Një tentativë grabitjeje është regjistruar disa ditë më parë në një dyqan celularesh në Tiranë. Siç shihet edhe në pamjet e siguruara nga JOQ Albania, një person hyn me thikë në dorë dhe kërcënon punonjësin e dyqanit.
Por, për fat të mirë, në atë moment aty ndodhej rastësisht një klient, i identifikuar si Bori, ish-anëtar i Forcave të Armatosura. Me një reagim të menjëhershëm dhe një lëvizje të saktë, ai arrin të neutralizojë autorin, duke e bërë të pafuqishëm përpara se të shkaktonte ndonjë dëm.
Sipas pronarit të biznesit, personi i ndaluar iu dorëzua më pas policisë, e cila mori masat ligjore për rastin.
Ky veprim i shpejtë i ish-ushtarit meriton vlerësim maksimal, duke u cilësuar si një shembull i rrallë i guximit qytetar.
