Kryetari i Bashkisë së Vlorës, Ermal Dredha, ka dhënë dorëheqjen nga detyra mbrëmjen e kësaj të mërkure.
Burime për mediat bëjnë me dije se vendimi i tij vjen vetëm një ditë përpara mbledhjes së Asamblesë Parlamentare të Partisë Socialiste, duke shtuar dyshimet mbi arsyet e lëvizjes së papritur.
JOQ ka denoncuar në vazhdimësi në lidhje me skandalet dhe me tenderat e manipuluara nga Dredha e të dhëna nga Bashkia Vlorë në mënyrë të dyshimtë.
Deri tani, nuk ka një reagim zyrtar nga vetë Dredha apo nga strukturat e PS-së për motivet e dorëheqjes, ndërkohë që pritet që zhvillimet e ardhshme politike në Vlorë dhe në radhët e socialistëve të marrin më shumë qartësi gjatë ditëve në vijim.
