Një ngjarje tragjike është shënuar pasditen e sotme në zonën e plazhit të Durrësit, ku një 16-vjeçar ka humbur jetën teksa notonte në det.
Sipas njoftimit të Policisë, ngjarja ndodhi rreth orës 18:00, në lagjen nr. 13. Adoleshenti me inicialet E. V., banues në të njëjtën lagje, është mbytur gjatë kohës që po lahej.
Aktualisht nuk ka më shumë detaje mbi rrethanat e ngjarjes, ndërsa grupi hetimor po vijon punën për të sqaruar shkaqet e plota të mbytjes.
Njoftimi i Policisë:
Durrës/Informacion paraprak
Rreth orës 18:00, në lagjen nr. 13, Durrës, duke u larë në det, është mbytur aksidentalisht shtetasi E. V., 16 vjeç, banues në lagjen nr. 13 Durrës.
Grupi hetimor vijon punën për sqarimin dhe dokumentimin e plotë të rrethanave të ngjarjes dhe shkakut të mbytjes.
