Gjatë javëve të fundit janë shtuar rastet kur persona të rritur ngacmojnë në mënyrë të papërshtatshme me vajza të reja dhe adoleshente, duke u kthyer në një problem serioz për to.
Një ngjarje e tillë u raportua pak më parë nga ana jonë, ku një vajzë e re kishte marrë vazhdimisht mesazhe dhe komente të papërshtatshme në Instagram nga një person i moshuar me emrin Duri. Në komunikimet e tij ai përdorte gjuhë fyese dhe ofenduese, duke e vënë vajzën në një situatë të pakëndshme.
Një tjetër rast i ngjashëm ka ndodhur në qytetin e Gramshit, ku një i moshuar dyshohet se ndalon vajzat pranë një lulishteje afër gjimnazit dhe u kërkon numrin e telefonit. Sipas vajzave, ai madje ka treguar edhe imazhe jo të përshtatshme. Një grup nxënësesh kanë dërguar edhe video, ku pretendojnë sjellje shqetësuese nga ana e tij.
“Përshëndetje JOQ, a mund ta hidhni këtë ped**ilin në faqen duaj! Ndodhet në qytetin e Gramshit dhe ngacmon çdo lloj vajze. Na kërkon numrin e telefonit dhe na tregon foto lakuriq. Ne jemi gjimnaziste sa kemi dalë nga shkolla, dhe u ulëm këtu. Na vinte para dhe na thonte më jep numrin e telefonit. Këtu thotë hajde ulu me mua më jep numrin.”
Fenomeni i tillë po shfaqet gjithnjë e më shpesh në shoqëri, ndaj është e rëndësishme që familjarët të jenë të kujdesshëm me të afërmit e tyre dhe institucionet përgjegjëse të marrin masat e duhura ligjore për të parandaluar sjellje të tilla.
