Për Grupin K të kualifikueseve të Kupës së Botës 2026, Serbia pësoi një disfatë të thellë në shtëpi, duke u mundur 0-5 nga Anglia në stadiumin “Rajko Mitic”. Një mbrëmje e errët për futbollin serb, që u shoqërua me tensione para, gjatë dhe pas ndeshjes.
Qyteti i Beogradit u përfshi në skena dhune që pak kishin të bënin me sportin. Para nisjes së duelit, rreth 20 huliganë të të dy kampeve u përleshën në rrugë, duke lënë disa të lënduar, fatmirësisht pa rrezik për jetën. Por momentet më të forta u regjistruan në fund të sfidës, kur brenda stadiumit shpërtheu një tjetër përplasje.
Mbështetës të presidentit Vuçiç u zunë me grupe tifozësh që kishin nisur të këndonin kundër tij. Policia u detyrua të ndërhynte për të qetësuar situatën, duke reflektuar klimën e ndezur politike që ka përfshirë Serbinë muajt e fundit, me protesta masive kundër pushtetit aktual. Rebelimi u zhvendos kështu edhe në shkallët e stadiumit.
Nga ana sportive, Anglia u tregua e pamëshirshme: Kane, Madueke, Konsa, Guehi dhe Rashford ishin autorët e pesë golave që e fundosën Serbinë.
Në të njëjtin grup ndodhet edhe Shqipëria, e cila më 11 tetor do të zbresë në fushë pikërisht kundër Serbisë në Beograd. Pas ngjarjeve të fundit, pritet që UEFA dhe FIFA të shqyrtojnë masa të reja për sjelljet e pahijshme të tifozëve serbë.
The fight in the Serbia end which saw riot police called against England after Vucic supporters attacked fans for singing against the presidentpic.twitter.com/WaMRO9COh3
— Sam Street (@samstreetwrites) September 9, 2025
