Një qytetare nga Tirana ka denoncuar për JOQ një rast shqetësues me një produkt të skaduar dhe të mykur, të blerë në marketin “Xhangolli” në zonën e Laprakës.
Sipas saj, buka e tostit ishte blerë nga fëmijët e saj dhe vetëm pasi u hap në shtëpi, ajo vuri re gjendjen e saj të papërshtatshme për konsum. Gruaja u rikthye menjëherë në market për ta kthyer produktin, duke shpjeguar situatën. Në një video të siguruar, dëgjohet edhe shitësja që i thotë se do t’ia kthejë lekët.
Ky rast ngre sërish shqetësimin e cilësisë së produkteve ushqimore që shiten në treg dhe nevojën për më shumë kontrolle nga autoritetet përgjegjëse, pasi konsumimi i produkteve të tilla përbën rrezik serioz për shëndetin e qytetarëve.
