Kombëtarja shqiptare e futbollit po zhvillon ndeshjen kualifikuese të Grupit K për Kupën e Botës 2026 ndaj Letonisë, në “Air Albania” të Tiranës.
Kuqezinjtë kanë kaluar në avantazh falë një goli të Kristjan Asllanit, i cili shënoi saktë nga pika e bardhë e penalltisë, duke e çuar rezultatin në 1-0 për Shqipërinë.
Ndeshja është ende në zhvillim dhe Shqipëria po kërkon ta thellojë rezultatin për të siguruar fitoren e radhës në rrugën drejt Botërorit.
