Ka shkuar në dy numri i viktimave nga aksidenti tragjik që ndodhi mbrëmjen e djeshme, rreth orës 19:50, në aksin rrugor Krumë–Golaj të Hasit.
Sipas njoftimit zyrtar të Policisë së Kukësit, drejtuesi i një automjeti tip “Benz”, shtetasi me iniciale N.S., humbi jetën në vendngjarje si pasojë e përplasjes.
Fatkeqësisht, mëngjesin e sotëm ka ndërruar jetë edhe një nga pasagjerët, i cili ishte në gjendje të rëndë dhe po merrte ndihmë mjekësore. Viktima e dytë është identifikuar si shtetasi Zek Ngjeçi.
Ndërkohë, një tjetër person i përfshirë në aksident është plagosur dhe ndodhet nën kujdesin e mjekëve.
Autoritetet kanë nisur hetimet për zbardhjen e plotë të rrethanave të këtij aksidenti të rëndë.
