Vetëm pak orë pasi familjarët publikuan apelin e tyre për ndihmë në JOQ Albania, ka ardhur lajmi i mirë: 71-vjeçarja Drita Sada është gjetur shëndoshë e mirë.
Familjarët njoftuan redaksinë tonë se ajo është ribashkuar me ta dhe dërguan edhe një foto pas gjetjes.
Ishte mbesa e saj që kontaktoi redaksinë tonë, e cila tregoi se nënë Drita kishte humbur pas udhëtimit me autobusin e Vorës, ndërsa telefoni i saj rezultonte i fikur.
Ky rast dëshmon fuqinë e solidaritetit qytetar dhe rëndësinë e apelimeve publike, të cilat bënë të mundur kthimin e nënës Drita pranë familjes së saj.
