Një e moshuar është gjetur vetëm pranë një bar-restoranti në Laprakë. Rasti është raportuar nga një qytetar, i cili tha se zonja u prezantua me emrin Lumturie Dina dhe që banon në zonën e Institutit, por sipas tij dukej se kishte probleme me kujtesën.
Ai shprehet se ka njoftuar menjëherë policinë. Pas ndërhyrjes, e moshuara është marrë nga policia dhe aktualisht ndodhet në ambientet e Komisariatit nr. 3 në Tiranë.
JOQ Albania i bën apel familjarëve dhe të afërmve të kontaktojnë me policinë për ta marrë të moshuarën.
