Një 33-vjeçar është arrestuar nga policia e Tiranës pasi ka tentuar të vjedhë me dhunë një banesë në kryeqytet.
Sipas informacioneve zyrtare nga blutë e Tiranës, shtetasi A.Z., 33 vjeç, është kapur në flagrancë gjatë tentativës për grabitje nga pronari i shtëpisë. Ky i fundit ka reaguar dhe e ka neutralizuar duke e goditur me grushte.
Megjithatë, ndërhyrja fizike e pronarit ka sjellë pasoja ligjore edhe për të, pasi policia ka nisur procedim penal ndaj tij për veprën penale të “vetëgjyqësisë”.
Deri më tani, nuk janë bërë të ditura identitetet e plota të të përfshirëve, ndërsa hetimet për zbardhjen e plotë të ngjarjes vijojnë.
