I penduari i drejtësisë, Nuredin Dumani, është transportuar mbrëmjen e sotme në urgjencën e QSUT-së pas problemeve shëndetësore. Sipas burimeve, ai ka shfaqur fillimisht shenja takikardie, të shoqëruara më pas edhe me vështirësi në frymëmarrje.
Dumani u dërgua në spital nën masa të rrepta sigurie, i shoqëruar nga Forcat Speciale të Burgjeve dhe efektivë të RENEA-s.
Prej vitesh, Dumani është një nga bashkëpunëtorët më të rëndësishëm të drejtësisë, duke dhënë dëshmi që kanë çuar në hetimin dhe goditjen e disa prej grupeve më të fuqishme kriminale në vend. Kontributi i tij ka qenë kyç për SPAK-un në çmontimin e organizatave të strukturuara.
Ende nuk ka informacion të saktë mbi gjendjen e tij shëndetësore.
