Një i ri i është drejtuar redaksisë së JOQ Albania duke kërkuar mendimin e qytetarëve për një dilemë që po e mundon prej kohësh.
Ai po njihet njëkohësisht me dy vajza dhe e ka të vështirë të vendosë. Nga njëra anë është vajza që ai pëlqen vërtet, por që shpesh është e largët dhe nuk i kushton aq shumë vëmendje sa ai do. Nga ana tjetër, është një vajzë që e do pa kushte dhe i qëndron gjithmonë pranë, duke i ofruar dashuri dhe përkushtim të plotë. Ai e ndjen vlerësimin dhe afërsinë e saj, por zemra e tij duket se ka mbetur te vajza tjetër.
I paqartë mbi vendimin që duhet të marrë, djaloshi pyet publikun: A duhet të ndjekë ndjenjat e tij dhe të rrezikojë për një dashuri të pasigurt? Apo duhet të zgjedhë sigurinë dhe dashurinë e pakushtëzuar që i ofron vajza tjetër?
Mesazhi i të riut:
"Përshëndetje JOQ! Jam në një dilemë dhe s’po di çfarë të bëj. Po njihem me dy vajza njëkohësisht: njërën e dua unë, por ajo nuk më kushton shumë vëmendje, ndërsa tjetra më do pa kushte dhe më shkruan gjithmonë. Kë mendoni se duhet të zgjedh: vajzën që dua, apo vajzën që më do?"
Si mendoni ju, në një marrëdhënie, çfarë duhet të vlerësohet më shumë: të ndjekësh zemrën apo të zgjedhësh atë që të do me gjithë shpirt?
