Autostrada Fier-Vlorë, një nga rrugët kryesore që lidh dy qytetet jugore të Shqipërisë, është mbushur me bidona plehrash dhe mbetje të ndryshme. Kjo autostradë vazhdon të jetë një shqetësim i madh për qytetarët dhe turistët që kalojnë aty.
Hedhja e mbeturinave në këtë segment të rëndësishëm rrugor është bërë një fenomen gjithnjë e më i zakonshëm, duke krijuar një pamje skandaloze për ata që vizitojnë Shqipërinë. Sidomos për turistët, kjo situatë është shqetësuese, pasi ndikon negativisht në imazhin e vendit.
"Autostrada Fier-Vlorë është mbushur me bidona plehrash pa fund. Ata po fillojnë të hedhin dhe mesdhetet e rrugëve. Për turp, duam dhe turistë ne zhulsat e Shqipërisë", shkruan qytetari.
Qytetarët kërkojnë veprime urgjente nga autoritetet lokale dhe qendrore për të adresuar këtë problem dhe për të siguruar pastrimin dhe mbajtjen e kësaj autostrade në kushte të pastra dhe të sigurta për të gjithë ata që udhëtojnë.
