Banorët e fshatit Kraps i Vogël ngrenë alarmin për një situatë të rrezikshme që po vazhdon prej disa ditësh. Një shtyllë druri ka rënë në tokë që nga koha e stuhisë së fundit, dhe kabllot elektrike janë të ekspozuara, duke rrezikuar veçanërisht fëmijët dhe banorët e zonës.
Një qytetar i shqetësuar shkruan: "Fshati kraps i vogël. Ka rënë shtylla po bën disa ditë! Jemi lagje me fëmijë të vegjël dhe korrenti është në tokë dhe është rrezik për neve ! Postojeni por anonim"
Banorët theksojnë se OSHEE ende nuk ka ndërhyrë për të marrë masa, duke lënë komunitetin në rrezik. Ata kërkojnë reagim të menjëhershëm për të garantuar sigurinë e të gjithëve.
