Personi në foto është 39-vjeçari i quajtur Xhiljon Hoxha. Ai është arrestuar nga policia pasi akuzohet se ka nxitur tre të mitur që të kryenin vjedhje në kryeqytet. Ai është një emër i njohur për krime të ngjashme, pasi ka qenë i dënuar edhe më parë për vjedhje.
Pas arrestimit bëhet me dije se janë sekuestruar sende të vjedhura nga veprimtaria kriminale, si dhe sende që dyshohet se i shërbenin 39-vjeçarit për konsum narkotikësh. Policia ka shtuar se hetimet janë në vijim për zbardhjen e plotë të ngjarjes dhe për kapjen e personave të tjerë të implikuar.
Xhiljon Hoxha, tashmë në pranga, ka qenë një figurë e njohur për veprimtari kriminale dhe përdorim lëndësh narkotike.
