Një ngjarje tragjike ka ndodhur në orët e para të mëngjesit në qytetin e Sarandës, ku një turist francez ka humbur jetën si pasojë e një aksidenti.
Sipas informacioneve paraprake, shtetasi francez M.F., 28 vjeç, ndodhej në gjendje të dehur kur dyshohet se ka humbur ekuilibrin dhe është rrëzuar aksidentalisht nga një lartësi. Për shkak të dëmtimeve të rënda, ai ka ndërruar jetë në vendngjarje.
Policia ka mbërritur menjëherë në vendin e ngjarjes dhe ka nisur hetimet për zbardhjen e plotë të rrethanave të këtij rasti tragjik.
