Një qytetar nga Durrësi i është drejtuar redaksisë sonë me një thirrje publike, pas humbjes së portofolit të tij në hyrje të një parkimi.
Në pamjet e dërguara nga denoncuesi shihet një çift me një karrocë fëmijësh, të cilët shikojnë portofolin e bardhë dhe afrohen për ta marrë me vete.
Sipas qytetarit, brenda portofolit ndodheshin 1 200 euro dhe dokumente personale. Ai apelon që personi që e ka marrë ta rikthejë me mirëkuptim, duke theksuar se është i gatshëm të ofrojë shpërblim për këtë gjest.
Për këtë arsye, denoncuesi ka vënë në dispozicion numrin e telefonit 069 39 17 654, në mënyrë që portofoli t’i rikthehet sa më shpejt.
Mesazhi i plotë i qytetarit është si vijon:
“Si jeni JOQ? Kam një rast për të denoncuar, tek hyrja e bluestar në Durrës më ka rënë portofoli me 1 200 euro. Kam foto dhe video që i ka marrë një çift kalimtar. Brenda portofolit ka pasur kartë identiteti dhe dokumenta. Jap shpërblim nëse i kthen për 24 orë, pa bërë denoncim në polici. Numri im është 069 39 37 654.”
