Një aksident automobilistik ka ndodhur pak minuta më parë në Bradashesh, ku dy automjete dhe një motor janë përplasur me njëri-tjetrin.
Sipas dëshmitarëve në vendin e ngjarjes, drejtuesi i motorit dhe një pasagjere kanë marrë lëndime të lehta dhe po marrin ndihmë nga ambulanca që ka mbërritur në vendin e ngjarjes.
Dyshohet se një parakalim i gabuar të jetë bërë shkak i këtij aksidenti të trefishtë, që përveç të lënduarve dhe dëmeve materiale, krijoi vështirësi dhe në qarkullimin e automjeteve.
Një dëshmitar tregon për JOQ Albania se: “Aksident sapo ndodhi në Bradashesh. Nuk isha i pranishëm në vendngjarje, po disa metër më poshtë u dëgjua një goditje e fortë. Janë përfshirë dy automjete, të dyja të dëmtuara nga dyert e shoferit. Ka qenë në shkëmbim me automjetin tjetër dhe me shumë mundësi motoristi ka dashur të parakalojë në trafikun e rënduar. Drejtuesi i motorit dhe pasagjerja ishin të shtrirë, jo dëmtime të rënda, fatmirësisht pa pasoja serioze.”
Pritet një reagim nga policia për të zbuluar më shumë për rrethanat e kësaj ngjarje.
