Një ditë pas stuhisë që goditi kryeqytetin me reshje të dendura shiu dhe erëra të fuqishme, pasojat e saj vazhdojnë të ndihen edhe këtë të dielë.
Pak minuta më parë, në zonën e Myslym Shyrit në Tiranë, një pemë u rrëzua mbi një automjet që po lëvizte në rrugë. Fatmirësisht sipas raportimeve paraprake nuk ka persona të lënduar, por vetëm dëme materiale.
Në fotot e siguruara nga vendi i ngjarjes shihet automjeti i dëmtuar, ndërsa qytetarët e pranishëm shfaqen të habitur nga ngjarja.
Kujtojmë se një ditë më parë, dhjetëra biznese pësuan dëme për shkak të erës së fortë. Çadrat e disa lokaleve u shkatërruan, ndërsa xhamat e disa dyqaneve u thyen ose u plasaritën.
Nga tarracat e pallateve ranë objekte të ndryshme, mes tyre llamarina dhe depozita uji, duke krijuar rrezik serioz për kalimtarët.
