Një qytetar i është drejtuar redaksisë për të denoncuar një situatë të pazakontë dhe absurde që ka zbuluar së fundmi.
Ai thotë se numri në platformën zyrtare shtetërore E-Albania, ku qytetarët drejtohen për të denoncuar raste korrupsioni është i njëjtë me të një kompanie private për pajisje shtëpiake.
Sipas tij, numri i kontaktit që shfaqet në këtë seksion ku mund të denoncohet korrupsioni rezulton të jetë ai i një subjekti tregtar që nuk ka asnjë lidhje me institucionet shtetërore apo strukturat antikorrupsion.
Ai ka bërë provë dhe ka telefonuar në numrin e shënuar në e-Albania, por aty janë përgjigjur punonjësit e kompanisë private duke treguar se numri është i tyre.
Ky “ngatërrim” ngre pikëpyetje serioze mbi menaxhimin e të dhënave në platformën zyrtare dhe besueshmërinë e saj për çështje sensitive siç është lufta kundër korrupsionit.
Qytetarët kërkojnë sqarim urgjent dhe korrigjim të kësaj pasaktësie, nëse është e tillë, duke theksuar rëndësinë që ka një kanal i sigurt dhe i besueshëm për raportimin e abuzimeve me pushtetin.
Denoncimi i qytetarit:
Pershendetje Joq, numri që është tek e-albania për te denoncuar korrupsionin është numri i ketij dyqanit me pajisje shtepiake. Numri qe del kur telefonon eshte nga ky dyqani.
