Edhe pse stuhia e sotme ishte parashikuar disa ditë para nga sinoptikanë shqiptarë e të huaj, shumë qytetarë janë kapur të papërgatitur.
Në mesditë, era e fortë zuri “mat” shumë qytetarë që po lëviznin në këmbë dhe me automjete në Tiranë, e jo vetëm.
Por sikurse qytetarët, stuhia zuri të papërgatitur edhe efektivët e Policisë që ndodheshin rrugëve të kryeqytetit për të siguruar rend dhe siguri për të gjithë.
Një taksist te Shkolla e Bashkuar, duke parë këtë situatë të trishtë, ku punonjësit e Policisë duhet të punojnë në shi, stuhi e furtuna pa uniformat dhe mjetet e duhura, i ka dhuruar një çadër një efektivi që ndodhej në rrugë.
Ky moment është filmuar nga një qytetar tjetër i cili thotë se taksisti duhet falenderuar për këtë gjest që bëri duke i dhuruar çadrën policit në mes të shiut.
Ai thotë se ky gjest shumë i rëndësishëm tregon se ndihma për njëri-tjetrin mund të bëjë ndryshimin në situata të vështira dhe thekson vlerat e solidaritetit në komunitet.
Mesazhi i qytetarit:
Pershendetje joq, Ky taksisti i dhuroi nje cader mes shiut policit. Gjest shume njerezor dhe human! Nuk arrita dot ti fiksoja targen. Te shkolla e Bashkuar
