Reshjet e dendura ditën e sotme nuk kanë sjellë vetëm bllokime rrugësh e ndërprerje të energjisë elektrike, por kanë nxjerrë zbuluar edhe problemet e mëdha të infrastrukturës në Portin e Vlorës. Godina kryesore, që duhet të ishte pika e parë e mirëseardhjes për udhëtarët dhe turistët, është shndërruar në një arenë rrjedhjesh dhe përmbytjesh të brendshme.
Uji i shiut depërton lehtësisht nga çatitë dhe hapësirat e amortizuara, duke përmbytur korridoret dhe sallat ku kalojnë dhe qëndrojnë në pritje pasagjerët. Në vend që të ofrojë siguri dhe standard, porti po tregon “fytyrën e tij të vërtetë” muret e njomura, dyshemeja që nuk i reziston dot reshjeve dhe një pamje e cila lë shumë për të dëshiruar.
Kjo situatë tregon dhe njëherë mangësitë e qytetit. Vlora e cila synon të shfaqet si një destinacion i denjë por porti i saj tregon të kundërtën.
