Një ngjarje e rëndë ka ndodhur mesditën e sotme në aksin rrugor Rrogozhinë–Kavajë. Një automjet ka përplasur këmbësorin M. H., 83 vjeç, i cili, për shkak të plagëve të marra, nuk ka mundur t’i mbijetojë dot dhe ka ndërruar jetë në vendngjarje.
Drejtuesi i mjetit është shoqëruar menjëherë nga policia në Komisariat, ku po kryhen veprimet e mëtejshme procedurale.
Ndërkohë, në vendngjarje ndodhet grupi hetimor, i cili po punon për zbardhjen e plotë të rrethanave të këtij aksidenti tragjik.
Kavajë/Informacion paraprak:
Rreth orës 14:00, në aksin Rrogozhinë-Kavajë, shtetasi R. M, ka përplasur me automjetin që drejtonte, këmbësorin, shtetasin M. H., 83 vjeç, i cili si pasojë e plagëve të marra ka humbur jetën.
Shtetasi R. M, është shoqëruar në Komisariat, për kryerjen e veprimeve të mëtejshme procedurale.
Grupi hetimor është në vendngjarje dhe po punon për sqarimin e rrethanave të aksidentit.
