Tuneli i Llogarasë që lidh Dukatin me Palasën është bllokuar ditën e sotme duke shkaktuar trafik të rënduar dhe pritje të gjata për pushuesit e bregdetit të jugut.
Sipas raportimeve, mjetet janë ndalur para hyrjes së tunelit pa asnjë njoftim zyrtar dhe pa praninë e forcave të rendit për të menaxhuar situatën. Qytetarët, mes të cilëve shumë familje me fëmijë të vegjël, shprehen të irrituar nga mungesa e informacionit dhe organizimit.
“Tuneli 10 eurosh është bllokuar! Piqemi në diell, nuk ka asnjë polic këtu,” – shkruan një qytetar në denoncimin e dërguar, duke theksuar se askush nuk jep shpjegim për situatën.
Kujtojmë që Tuneli i Llogarasë, i hapur për qarkullim në maj të këtij viti, pritet të qëndrojë pa pagesë deri më 15 shtator, por bllokimi i sotëm pa asnjë lloj paralajmërimi ka shkaktuar kaos te pushuesit të cilët nuk dinë as çfarë po ndodh.
Denoncimi 1:
Pershendetje JOQ, tuneli i Llogarasë është mbyllur papritur sot. Trafiku është bllokuar dhe shumë makina kanë mbetur në pritje. Po ju dërgoj një foto dhe një video te dyja anet jane bllokuar
Denoncimi 2:
Tuneli 10 eurosh bllokohet Piqemi ne diell se ska as polici
Denoncimi 3:
Pershendetje joq mbi 1 ore ne trafik cfare po ndodh ne tynelin e llogaras
