Kryetari i OVL-UÇK-së, Hysni Gucati sot para mediave ka kërkuar që të shkarkohet kryetari i Kuvendit, Dimal Basha pas publikimit të një pamfleti në vitin 2012, ku UÇK thuhet se furnizohet me para të drogës ndërsa bashkautor ishte edhe Dimal Basha.
OVL e UÇK-së ka kërkuar gjithashtu nisjen e hetimeve nga Prokuroria e Shtetit të Kosovës.
Ai ka thënë se nga VV e dimë që ka edhe dëshmitarë në Gjykatë Speciale.
“Nga VV ne e dimë që ka edhe dëshmitarë në Gjykatën Speciale, duke filluar nga Donika Gërvalla e cila ka dorëzuar dokumentacione në atë kohë që vet e ka pranu. Të tjerët që do të dalin me emra, sepse nuk kemi frikë nga askush. Mos të na matin impulsin, atë na e ka mat Serbia dhe ka dal humbëse.
Dimal Basha me kategoritë e dala nga lufta, sidomos me veteranë të UÇK-së, invalidë dhe dëshmorë do të dal humbës. Ne do të marrim veprime të tjera shumë shpejt”, ka thënë Gucati.
