Këngëtari i njohur, G Bani, ka qenë sot i pranishëm në burgun e Fushë-Krujës, ku ka mbajtur një koncert për personat që vuajnë dënimin në këtë institucion.
Artisti solli atmosferë ndryshe mes mureve të burgut, duke performuar për të dënuarit, të cilët për një moment lanë pas rutinën e përditshmërisë së tyre.
Ishte vetë G Bani që ndau pamje nga ky aktivitet përmes videove dhe fotove në rrjetet sociale. Në to, ai shfaqet pranë përfaqësuesve të institucionit, por edhe në shoqërinë e mikeshës së tij, Valbona Mhilli, e cila e ka shoqëruar në këtë iniciativë.
