Policia e Kosovës, Drejtoria Rajonale Prizren – Njësia e Hetimit të Narkotikëve, me autorizim të Prokurorisë Themelore në Prizren e ka shpallur person në kërkim Fidan Husmanin.
I njëjti dyshohet për disa vepra penale, blerje, posedim, shpërndarje dhe shitje të paautorizuar të narkotikëve, substancave psikotrope dhe analoge.
Policia e Kosovës, me qëllim lokalizimin dhe arrestimin e të dyshuarit, kërkon bashkëpunimin e qytetarëve dhe mediave. Kushdo që ka informacion për vendndodhjen e personit të dyshuar, mund të kontaktojë Policinë e Kosovës në: Stacionin më të afërt policor, Numrat kontaktues: 192 ose 038 550 999 (nga telefoni fiks dhe mobil) Numri pa pagesë dhe anonim: 0800 19999 Përmes aplikacionit digjital “Lajmëro Policinë’’ E-mail: [email protected].
