Një ngjarje e rëndë ka tronditur mbrëmjen e sotme qytetin e Korçës.
Rreth orës 20:40, në rrugën e Voskopojës, një 73-vjeçar me inicialet F. H. ka përplasur me makinën e tij një grua rreth 50 vjeçe, e identifikuar si A. E., e cila po lëvizte me biçikletë. Për fat të keq, gruaja ka ndërruar jetë në vendngjarje, pa mundur t’i mbijetojë goditjes.
Policia ka shoqëruar drejtuesin e automjetit në Komisariat për veprime të mëtejshme, ndërsa grupi hetimor, nën drejtimin e Prokurorisë, po heton për të zbuluar shkaqet dhe rrethanat e aksidentit tragjik.
