Një manovër e rrezikshme për pak sa nuk shkaktoi një aksident zinxhir pranë mbikalimit të Rinasit, në Vorë.
Në pamjet e siguruara nga JOQ Albania, shihet një automjet luksoz që tenton të kthehet në vend, edhe pse sinjalistika rrugore e ndalon një veprim të tillë. Për të shmangur përplasjen, makina që vinte pas detyrohet të frenojë me forcë, ndërsa nga ana tjetër e rrugës qarkullonin mjete të tjera.
“Te mbikalimi i Rinasit, te Megateku, burim aksidenti”, shkruan qytetari që ka dërguar videon.
Ngjarje të tilla nuk janë të rralla në rrugët e vendit. Për këtë arsye, u bëhet apel shoferëve të tregojnë kujdes më të madh, duke menduar jo vetëm për jetën e tyre, por edhe për sigurinë e përdoruesve të tjerë të rrugës.
