Një lajm i mirë vjen nga Belshi, ku është gjetur shëndoshë e mirë gjyshi 87-vjeçar, Dyle Zaimi, i raportuar një ditë më parë si i humbur.
Familjarët kanë njoftuar redaksinë e JOQ Albania se i moshuari është kthyer pranë shtëpisë dhe ndodhet në gjendje të mirë shëndetësore. Ata falënderojnë nga zemra të gjithë qytetarët që ndihmuan me informacion apo sensibilizim për gjetjen e tij.
Mbrëmjen e djeshme, i biri që jeton në Itali iu drejtua redaksisë sonë me apel për ndihmë, pasi babai i tij kishte dalë për shëtitje në mëngjes dhe nuk ishte kthyer më në banesë. Fatmirësisht, historia është mbyllur me një fund të lumtur.
