Prej më shumë se dy vitesh, rruga që lidh fshatin Radomir me pjesën tjetër të zonës ndodhet në një gjendje të mjerueshme dhe të pakalueshme. Banorët e fshatit janë të izoluar, veçanërisht gjatë stinëve me reshje bore e shiu, kur kalimi bëhet thuajse i pamundur për automjete dhe këmbësorë pasi rrëshqitjet e dherave janë prezente.
Pavarësisht ankesave të përsëritura dhe kërkesave drejtuar autoriteteve lokale dhe qendrore, deri më tani nuk është ndërmarrë asnjë masë konkrete për rehabilitimin e rrugës. Situata po vështirëson ndjeshëm jetën e banorëve, veçanërisht të të moshuarve dhe fëmijëve, si dhe po ndikon negativisht në aktivitetet ekonomike të zonës.
“Përshëndetje, si jeni? A mundeni ta publikoni ju lutem? Rruga në Radomir të Dibrës, ka prej 2 vitesh në këtë gjendje, është e pakalueshme. Ju lutem shpërndajeni.” shprehen banorët, të zhgënjyer nga neglizhenca e vazhdueshme. Apelohet ndaj bashkisë Dibër që të marrë masa sa më parë.
