Policia e Lushnjës ka vënë në pranga një 38-vjeçar, pas kallëzimit të një 30-vjeçareje, e cila deklaroi se ishte përndjekur dhe dhunuar prej tij.
E reja ka raportuar në polici se për një periudhë dy mujore, është ndjerë e kërcënuar dhe në pasiguri për shkak të ndjekjes së vazhdueshme dhe dhunës fizike të ushtruar nga i dyshuari, në ambientet e subjektit tregtar ku ajo punonte.
Pas veprimeve të menjëhershme operative, forcat e policisë kanë bërë të mundur kapjen dhe ndalimin e shtetasit Fatjon Ahmetaj, 38 vjeç, banues në Lushnjë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme ligjore.
