Një shqiptar është vënë në pranga në Angli, pasi akuzohet për një vrasje të ndodhur ditën e martë në Gravesend, Kent.
Bëhet fjalë për 25-vjeçarin Shahim Bulica, i cili së bashku me 31-vjeçaren lezoneze Erika Korska, janë akuzuar për vrasje. Të dy jetonin në Gravesend, raporton BBC.
Policia britanike njofton se ngjarja ndodhi në rrugën Augustine Road, ku pas një sherri me disa persona, një burrë rreth të 30-ave mbeti i plagosur rëndë me thikë. Ai u dërgua në spital, por nuk arriti t’i mbijetojë plagëve.
Bulica dhe Korska u arrestuan pak pas mesnate ditën e enjte, ndërsa të shtunën u akuzuan zyrtarisht për vrasje. Të dy janë lënë në paraburgim dhe do të dalin përpara gjykatës në Medway të hënën.
