Një automjet ka shpërthyer në flakë gjatë ecjes mbrëmjen e sotme në zonën e Bathores, në Kamëz.
Pamjet e mbërritura në redaksinë tonë tregojnë mjetin teksa digjet.
Sipas dëshmitarëve, brenda automjetit ndodhej një i ri, i cili fatmirësisht ka reaguar me shpejtësi duke dalë nga makina në sekondat e para pas shpërthimit. Ai ka shpëtuar pa lëndime, ndërsa mjeti është djegur pothuajse tërësisht.
Ngjarja shërben si një kujtesë e fortë për të gjithë drejtuesit e mjeteve mbi rëndësinë e kontrollit të rregullt teknik të automjetit. Kontrolli periodik i sistemit elektrik, instalimeve të karburantit dhe gjendjes së përgjithshme të motorit mund të jenë vendimtare për të shmangur incidente të rënda që rrezikojnë jetën.
Specialistët këshillojnë që, në rast nuhatjeje të erës së karburantit, tymi të pazakontë ose sinjaleve të tjera alarmuese, drejtuesit të ndalojnë menjëherë automjetin dhe të kërkojnë ndihmë profesionale, duke mos e vënë në rrezik veten dhe pasagjerët.
