Një qytetar nga Tirana ka dërguar në redaksinë e JOQ pamjet e vjedhjes së biçikletës së tij, mjeti i vetëm që përdorte për transport.
Ngjarja ka ndodhur më 13 gusht në Astir, rreth orës 17:38, në parkimin nëntokësor pranë një servisi ku ai punon.
Në video shihet hajduti, me syze dielli, cigare në gojë dhe çantë në dorë, teksa afrohet qetësisht, merr biçikletën dhe largohet sikur asgjë të mos kishte ndodhur.
Pronari i ka dhënë 24 orë kohë për ta kthyer biçikletën, përpara se ta denoncojë në polici. “Më ka prishur shumë punë, sepse ai është mjeti im i vetëm për transport,” shprehet ai.
