Qyteti i Delvinës po përjeton momente tmerri ndërsa zjarret përpinë çdo gjë që u del përpara. Pas një nate të mbushur me tym dhe flakë, situata vazhdon të jetë kritike, ndërsa vatrat e zjarrit kanë marrë përmasa të frikshme që kërkojnë ndërhyrje urgjente.
Autoritetet kanë nisur menjëherë evakuimin e banorëve, ndërsa burime për JOQ Albania bëjnë me dije se flakët po i afrohen pusit të naftës, duke rrezikuar jetën e njerëzve dhe duke kërcënuar pasoja katastrofike në rast shpërthimi.
Temperaturat e larta dhe erërat e forta kanë favorizuar përhapjen e zjarrit, i cili vazhdon të mbetet jashtë kontrollit, duke krijuar një skenë alarmante për qytetin dhe banorët e tij.
