Një aksident me pasojë vdekjen e një këmbësori ka ndodhur mëngjesin e sotëm në fshatin Hamallaj, rreth orës 09:50.
Një 70-vjeçar me inicialet Gj.B ka humbur jetën pasi është përplasur nga një automjet që drejtohej nga një 57-vjeçar. Këmbësori i moshuar, pavarësisht përpjekjeve të stafit mjekësor, ka ndërruar jetë në spital si pasojë e plagëve të marra nga përplasja.
Ndërkohë, drejtuesi i mjetit, M.I., 57 vjeç, është shoqëruar nga policia në komisariat, ku po merret në pyetje për të sqaruar rrethanat e aksidentit.
Policia ka nisur hetimet për zbardhjen e plotë të ngjarjes dhe përcaktimin e përgjegjësisë.
Njoftimi i Policisë:
'Rreth orës 09:50, në fshatin Hamallaj, shtetasi M. I., 57 vjeç, ka përplasur me automjetin që drejtonte, këmbësorin, shtetasin Gj. B., 70 vjeç, i cili si pasojë e plagëve të marra ka humbur jetën në spital. Shtetasi M. I është shoqëruar në Komisariat, për kryerjen e veprimeve të mëtejshme procedurale. Grupi hetimor është në vendngjarje dhe po punon për sqarimin e rrethanave të aksidentit".
