Një ngjarje e rëndë tronditi mesditën e sotme qytetin e Gjilanit në Kosovë, ku babë e bir, Selami dhe Edmond Hasani, humbën jetën si pasojë e të shtënave me armë. Krimi ndodhi në lagjen “Ibrahim Rugova”, në ambientet e jashtme të një kafeneje, ku viktimat u qëlluan për vdekje.
Sipas mediave kosovare, Selami dhe Edmond Hasani ishin argjendarë të njohur në qytet, ndërsa dyshohet se sherri që çoi në vrasje lidhet me përfshirjen e tyre në fajde. Në të njëjtin incident mbeti i plagosur rëndë edhe dhëndri i tyre, Bujar Hoxha, i cili u dërgona në spital por nuk mundi t’i mbijetojë lëndimeve të marra. Një person tjetër ka mbetur i plagosur.
Policia ka identifikuar si autor të dyshuar të krimit Mefail Shkodrën, i cili është ende në arrati. Autoritetet kanë bllokuar zonën ndërsa prokuroria ka nisur hetimet për këtë rast të rëndë.
