Një aksident rrugor ka ndodhur mbrëmjen e sotme në lagjen “Partizani” të Shkodrës, ku një punonjës policie është përplasur nga një automjet teksa kalonte në vijat e bardha.
Sipas të dhënave zyrtare, drejtuesi i mjetit, B. N., ka humbur kontrollin dhe ka përplasur efektivin 60-vjeçar., i cili po shkonte për të marrë shërbimin e turnit të tretë.
I plagosuri është dërguar menjëherë në spital dhe fatmirësisht ndodhet jashtë rrezikut për jetën.
Grupi hetimor po punon në vendngjarje për të sqaruar plotësisht rrethanat e aksidentit.
