Një situatë shqetësuese dhe tejet e rrezikshme është denoncuar në redaksinë e JOQ Albania nga një qytetare e shqetësuar. Mbi urën e Dajlanit në Durrës është parë një fëmijë i moshës rreth 9-10 vjeç, duke lëvizur i vetëm me monopatinë në korsinë e makinave.
Në fotot e dërguara shihet qartë fëmija që ndodhet në mes të rrugës me trafik të rënduar, vetëm pak metra nga makinat që kalojnë me shpejtësi.
E alarmuar, qytetarja shprehet:
“Ju lutem, është shumë problem që një fëmijë i moshës jo më shumë se 9-10 vjeç është në autostradë, mbi urën e Dajlanit. I kujt është faji? A do bëhen ndonjëherë problem këto gjëra???”
Ky rast nuk është vetëm një alarm për sigurinë e fëmijës në fjalë, por një thirrje për ndërgjegjësim nga të gjithë: prindërit, institucionet dhe shoqëria.
Autostrada nuk është vend për fëmijë dhe një pakujdesi e tillë mund të përfundojë në tragjedi brenda sekondash.
