Një bombol gazi ka shpërthyer këtë të martë në qytetin e Kolonjës, duke shkaktuar plagosjen e një shtetasi 67-vjeç. Sipas informacioneve paraprake, i moshuari ka pësuar dëmtime si pasojë e shpërthimit dhe është transportuar menjëherë në spital, ku ndodhet nën kujdesin e mjekëve. Fatmirësisht, burimet nga spitali bëjnë me dije se ai është jashtë rrezikut për jetën. Ndërkohë, grupi hetimor ndodhet në vendngjarje dhe po punon për të zbardhur rrethanat e ngjarjes dhe shkaqet që çuan në shpërthimin e bombolës.
Njoftimi i policisë:
Rreth orës 13:00, në banesën e shtetasit Dh. N., 67 vjeç, dyshohet se ka shpërthyer një bombël, që përdorej për gatim. Si pasojë është dëmtuar 67-vjeçari, i cili është në kujdesin e mjekëve dhe aktualisht jashtë rrezikut për jetën. Grupi hetimor është në vendngjarje, ku po punon për sqarimin e rrethanave të rastit.
