Një konflikt mes dy personave ka degjeneruar në përdorimin e një mjeti prerës mbrëmjen e sotme në lagjen “Pelivan Leskaj” të Vlorës, ku kanë mbetur të plagosur dy persona.
Të lënduarit janë dërguar menjëherë në spital për ndihmë mjekësore dhe raportohet se janë jashtë rrezikut për jetën.
Sipas informacioneve paraprake, ngjarja dyshohet të ketë nisur si një grindje e çastit mes tyre, e cila përshkallëzoi në dhunë fizike dhe përfundoi në përdorimin e një thike.
Policia ndodhet në vendngjarje dhe në ambientet e spitalit, ndërsa arma e ftohtë është sekuestruar, dhe dy personat e dyshuar do të shoqërohen në komisariat për veprime të mëtejshme pas marrjes së mjekimit në spital.
Grupi hetimor po punon për zbardhjen e plotë të rrethanave dhe motivit të konfliktit.
