Një ngjarje e rëndë dhe tronditëse ka ndodhur këtë të premte në Maqellarë, Dibër, ku një 26-vjeçar ka plagosur me thikë nënën e tij, e cila rezulton të jetë drejtoreshë e një shkolle.
E plagosura është Nexhmie Sula, 50 vjeçe, drejtoreshë e shkollës 9-vjeçare në fshatin Pocest. Ajo është goditur shtatë herë me thikë nga djali i saj, Ikler Sula, pas një sherri për motive ende të paqarta, por që paraprakisht përshkruhen si “të dobëta”.
Pas sulmit, 26-vjeçari është arrestuar menjëherë nga forcat e policisë. Ndërkohë, Nexhmie Sula është transportuar me urgjencë drejt Spitalit të Traumës në Tiranë, ku ndodhet nën kujdes intensiv të mjekëve.
Autoritetet kanë nisur hetimet për të zbardhur rrethanat e plota të kësaj ngjarjeje që ka tronditur opinionin publik dhe komunitetin arsimor në zonë.
