Një ngjarje tragjike dhe thellësisht revoltues ka ndodhur disa ditë më parë në afërsi të Borshit, ku një çift humbi jetën në mënyrën më absurde dhe të padrejtë të mundshme: sepse respektonin rregullat.
Kujtim Mehmeti dhe bashkëshortja e tij, si çdo mëngjes, ngarkuan furgonin me arkat e peshkut dhe u nisën me qetësi drejt destinacionit të tyre, duke udhëtuar me shpejtësi normale – vetëm 65 km/h. Me rripin e sigurimit të lidhur, në korsinë e tyre, ata po bënin pikërisht atë që çdo qytetar duhet të bëjë në një shtet normal.
Por përballë tyre vinte me 200 km/h një fuoristradë e drejtuar nga Myfyt Qejvani. Pa asnjë frenim, pa asnjë përpjekje për shmangie. Përplasja ishte fatale. Çifti vdiq në vend.
Jo sepse gabuan. Por sepse në rrugët e këtij vendi, shpesh jeta jote varet nga çmenduria e tjetrit – dhe drejtësia është gjithnjë në anën e më të fortit, më të pasurit, më të pamëshirshmit.
Çifti i ndershëm që respektonte çdo normë u nda nga jeta. Ndërsa “bishës me timon” që erdhi si rrufeja nga ferri, i lanë shpëtimin në dorë ligjeve që gjithnjë përkëdhelin vrasësit në makina të shtrenjta.
Në këtë vend, të jesh i drejtë, nuk të shpëton. Të jesh i kujdesshëm, nuk mjafton. Sepse përballë mund të kesh një vrastar të lirë – dhe një sistem që e mbron.
