Dy të mitur janë raportuar të zhdukur të premten në fshatin Kopernicë të komunës së Kamenicës. Rasti është paraqitur në polici nga babai i njërës prej viktimave, i cili ka njoftuar se djali i tij dhe një familjar i tyre janë larguar nga shtëpia dhe nuk dihet asgjë për vendndodhjen e tyre.
Lajmi është konfirmuar nga Policia e Kosovës, e cila ka nisur hetimet për lokalizimin dhe gjetjen e dy të miturve.
“Ankuesi – mashkull kosovar – ka raportuar se dy viktimat, meshkuj kosovarë të mitur (djali i tij dhe një familjar i tyre), janë larguar nga shtëpia dhe nuk dihet për vendndodhjen e tyre. Rasti është nën hetime”, thuhet në njoftimin zyrtar të policisë.
