Presidenti amerikan Donald Trump ka deklaruar se ka urdhëruar vendosjen e dy nëndetëseve bërthamore pranë Rusisë, pas një shkëmbimi kërcënues fjalësh me ish-presidentin rus Dmitry Medvedev.
🔻 Në një postim në “Truth Social”, Trump shkruan:
“Bazuar në deklaratat shumë provokuese të ish-Presidentit të Rusisë, Dmitry Medvedev… kam urdhëruar që dy nëndetëse bërthamore të pozicionohen në rajonet e duhura, në rast se këto deklarata budallaqe janë më shumë se kaq.”
Medvedev, i cili tani është zëvendëskryetar i Këshillit të Sigurisë në Rusi, i kishte kujtuar Trump-it fuqinë bërthamore të Moskës, duke e tallur për përpjekjet për t’i vendosur ultimatum Kremlinit për paqe në Ukrainë.
🔻 Trump iu përgjigj, duke e quajtur Medvedevin “ish-president të dështuar” dhe duke paralajmëruar:
“Fjalët kanë pasoja. Ai po hyn në territor të rrezikshëm.”
Kjo lëvizje përshkallëzon ndjeshëm tensionet mes dy fuqive bërthamore, ndërsa lojërat e retorikës mund të marrin trajta reale.
