Një ngjarje e rëndë ndodhi ditën e sotme në ujërat e lumit Mat, ku një peshkatar 68-vjeçar humbi jetën pasi u rrëmbye nga rrjedha në momentin që kishte hyrë për të peshkuar.
Dedë Qoku kishte hyrë në lumë për të hedhur rrjetat e peshkimit, por rrjedha e ujit e mori me vete. Miku i tij me inicialet P. N., njoftoi menjëherë policinë për atë që kishte ndodhur.
Pas disa orësh kërkime nga polumbarët e forcave RENEA, trupi i pajetë i peshkatarit është nxjerrë nga uji.
Një dëshmitar tregon për JOQ Albania: “Përshëndetje JOQ, polumbarët dhe forcat e policisë e gjetën trupin e pajetë të qytetarit në lumin Mat. E nxorën pak më parë. Ai hyri për të zënë peshk por e mori rrjedha dhe u mbyt.”
Redaksia jonë u shpreh ngushëllimet më të sinqerta familjarëve.
