Një ngjarje e rëndë ka ndodhur ditën e sotme në fshatin Viçisht të Bulqizës ku një 67-vjeçar ka humbur jetën si pasojë e një aksidenti me mjet bujqësor.
Sipas informacioneve paraprake nga policia, ngjarja ka ndodhur rreth orës 13:30, kur shtetasi Rasim Lika, duke drejtuar një automjet bujqësor, dyshohet se ka humbur kontrollin e mjetit dhe ka dalë nga rruga.
I moshuari u transportua menjëherë në spital, por për fat të keq nuk mundi t’u mbijetojë plagëve të marra. Grupi hetimor ndodhet në vendngjarje dhe po punon për të zbardhur rrethanat dhe shkaqet e aksidentit.
Njoftimi i policisë:
"Rreth orës 13:30, në fshatin Viçisht, shtetasi R.L., 67 vjeç, duke drejtuar një automjet bujqësor, dyshohet se ka humbur kontrollin mbi drejtimin e tij dhe mjeti ka dalë nga rruga. Si pasojë e dëmtimeve të marra, 67-vjeçari ka humbur jetën në spital. Grupi hetimor ndodhet në vendngjarje dhe po punon për zbardhjen e rrethanave të këtij aksidenti"
