Një lajm i mirë ka mbërritur në redaksinë e JOQ Albania, ku është konfirmuar se 51-vjeçari Besnik Murgu nga Bulqiza është gjetur shëndoshë e mirë.
Familjarët e tij kanë njoftuar me shumë mirënjohje se Besniku është gjetur ditën e djeshme pranë terminalit në Kamëz, vetëm disa ditë pas publikimit të lajmit në JOQ.
“Përshëndetje, doja t’ju informoja se personi që kishit nxjerrë në njoftim si i humbur është gjetur falë jush, Besnik Murgu. Është gjetur dje tek terminali në Kamëz,” – shkruan familjari.
51-vjeçari rezultonte i humbur që prej mëngjesit të 23 korrikut. Ai jeton në një fshat të zonës së Gollobordës, në Ostren i Madh të Bulqizës.
Ky është edhe një shembull tjetër që tregon fuqinë e bashkëpunimit mes qytetarëve dhe medias. Falë shpërndarjes së informacionit, reagimit të menjëhershëm të qytetarëve dhe ndihmës suaj të çmuar, Besniku është rikthyer i sigurt në gjirin e familjes së tij.
